This Impossible Light
![](https://i1.wp.com/setkyar.com/wp-content/uploads/2019/10/thisimpossiblelight1.png?fit=700%2C467&ssl=1)
ဟိုတစ်နေ့က Clementi ကသူငယ်ချင်းဆီသွားရင်း Library ပါတော့ လူငယ်စာအုပ်တန်းမှာ ဒီ this impossible light ဆိုတဲ့စာအုပ်တွေ့လို့ နည်းနည်းစမ်းဖတ်ကြည့်တော့ တော်တော်လေး စိတ်ဝင်စားဖို့ကောင်းလာတာနှင့် ငှါးဖြစ်ခဲ့တယ်။ လေးငါးဆယ်မျက်နှာလောက်ဘဲဖတ်ဖြစ်ပြီးတော့ ဆက်မဖတ်ဖြစ်လိုက်ဘူး။ ဒီနေ့မှအပြီးဖတ်မယ်ဆိုပြီး ဖတ်ဖြစ်လိုက်တယ်။
ပေါ့ပေါ့ပါးပါးကဗျာလေးတွေဖတ်နေရသလိုဘဲ။ ၁၅ နှစ်အရွယ်ကိုယ့်ကိုယ်ကို Smart Girl ထင်နေတဲ့ ကောင်မလေးတစ်ယောက်အကြောင်းရေးထားတာ။ အဓိကကတော့လူငယ် မိန်းကလေးတွေမှာဖြစ်တက်တဲ့ ငါဝနေပီ ဆိုတာမျိုးဖြစ်ပြီး အလွန်အကျူး ကိုယ်စိတ်ထင်တဲ့နည်းနှင့် ဝိတ်လျှော့တာမျိုးလုပ်တာကို ပညာပေးလိုလို စိတ်ကူးပုံဖော်ထားသလို ရေးထားတာပါ။
စာအရေးအသားကကဗျာလိုရေးထားတော့ဖတ်ရတာအတော်လေးအရသာတွေ့မိတယ်။ ပေါ့ပေါ့ပါးပါး တစ်နာရီနှစ်နာရီလောက် အချိန်ပေးဖတ်တာနှင့် ပြီးတဲ့စာအုပ်ဖြစ်တာမလို့ သဘောကျမိတယ်။ ကျောင်းစာကြည့်တိုက်လိုမျိုးမှာရှိသင့်တဲ့စာအုပ်တစ်အုပ်ဆိုမမှားပါဘူး။
ကဗျာလိုဝတ္ထုရေးတာကိုပေါ့ပေါ့ပါးပါးဖတ်ချင်တယ်ဆိုရင်တော့ ဖတ်ကြည့်သင့်တယ်။ ဖတ်မယ်ဆို Target audience က လူငယ်ဆယ်ကျော်သက်တွေအတွက်ဆိုတာကိုတော့ စိတ်ထဲမှာထည့်ထားပေါ့။